Në kuadër të projektit MENTBEST, Qendra e Shëndetit dhe Mirëqenies Komunitare QSHMK kërkon të kontraktojë Ekspert/ë për organizim trajnimesh me personel shëndetësor, profesionistë të shëndetit mendor dhe lehtësues të komunitetit. 

Rreth nesh

Qendra e Shëndetit dhe Mirëqenies Komunitare (QSHMK) është një organizatë jofitimprurëse, e cila ka për qëllim përmirësimin e cilësisë së jetës në komunitet nëpërmjet informimit, ndërgjegjësimit dhe aftësimit të anëtarëve të komunitetit, për të rritur kontrollin mbi organizimin e jetës në komunitet dhe rritjen e mirëqenies fizike dhe mendore në të.  Fusha e veprimtarisë së QSHMK është e përqendruar në aktivitetet që rritin pjesëmarrjen e komunitetit për të përmirësuar cilësinë e jetës. 

Në kuadër të kësaj thirrje, QSHMK është një nga vendet partnere në konsorciumin e projektit MENTBEST për implementimin e projektit dhe ndërhyrjeve të tij në Shqipëri.

Rreth Projektit

MENBEST është një projekt 5-vjeçar i financuar nga Bashkimi Europian, i cili drejtohet nga Aleanca Evropiane Kundër Depresionit (EAAD) me mbështetjen e një ekipi multidisiplinar prej 13 partnerësh të tjerë, që mbulojnë kolektivisht 10 vende. Projekti do të implementohet në një shtrirje kohore nga 1 Prill 2023 deri më 31 Mars 2028. Qëllimi i projektit është të mbështesë grupet vulnerabël në popullatën e përgjithshme, veçanërisht grupet vulnerabël që janë në rrezik më të madh nga ndryshimet dramatike shoqërore, përjetimin e stresorëve dhe ndikimet negative në mirëqenien e tyre, duke përfshirë shëndetin mendor. Duke zgjeruar ekspertizën ekzistuese të partnerëve të MENTBEST në ndërhyrjet e bazuara në komunitet për të reduktuar depresionin dhe sjelljen vetëvrasëse (EAAD 4-Level-Intervention), MENTBEST do të zhvillojë, vërtetojë dhe vlerësojë një Ndërhyrje Gjithëpërfshirëse të Shumëanshme të bazuar në Komunitet të quajtur COMBINA.

Një ndër elementët  e ndërhyrjes COMBINA është realizimi i një serie trajnimesh në qytetin e Tiranës të fokusuara në dy nivele.

 Niveli 1 konsiston në trajnimin e profesionistëve të kujdesit parësor dhe të shëndetit mendor se si të njohin dhe trajtojnë depresionin dhe ankthin shoqërues, si dhe të eksplorojnë tendencat rreth vetëvrasjes në mjedisin e kujdesit parësor. Qëllimi i këtyre trajnimeve është të përmirësojë kapacitetin e mjekëve të përgjithshëm dhe profesionistëve të shëndetit mendor për të trajtuar depresionin dhe sjelljen vetëvrasëse.

Niveli 3 konsiston në trajnimin e lehtësuesve të komunitetit për të përmirësuar kapacitetin e tyre në trajtimin e depresionit, ankthit komorbid dhe vetëvrasjes. Lehtësuesit e komunitetit janë profesionistë jo-mjekësorë që kanë një funksion publik dhe social në shoqëri, si mësuesit, policët, oficerët e burgjeve, klerikët, farmacistët, punonjësit socialë dhe kujdestarët e komunitetit.

Qëllimi i Thirrjes

Nëpërmjet kësaj thirrje, QSHMK kërkon të kontraktojë Ekspert/ë (trajnerë) për organizim trajnimesh me personel shëndetësor, profesionistë të shëndetit mendor (psikiatër dhe punonjës social), mësues, gazetarë dhe lehtësues të komunitetit me në fokus trajtimin e depresionit dhe sjelljeve vetëvrasëse.

Fushëveprimi i Thirrjes

 Trajnimet  do realizohet në kuadër të projektit MENTBEST në qytetin e Tiranës.

Kriteret e kualifikimit dhe të përzgjedhjes së ofruesit të shërbimit

1. Termat e referencës për këtë thirrje janë:

 Trajneri ka për detyrë:

• Të ketë aftësi të mira komunikuese, moderuese dhe koordinuese.

• Të ketë ndërveprim dhe komunikim profesional me audiencën e trajnimit.

• Të ketë eksperiencë në organizim trajnimesh në fushën e shëndetit mendor.

• Të ketë përvojë pune në fushën e shëndetit mendor

• Të përshtatë  prezantimet dhe materialet ndihmëse të nevojshme për zhvillimin e seancës së trajnimit;

• Të jetë përgjegjës për mbarëvajtjen e trajnimit;

• Të respektojë oraret e trajnimit;

• Të dorëzojë pas çdo trajnimi listën e pjesëmarrësve;

• Të dorëzojë pas çdo trajnimi tek koordinatori i projektit përmbledhje të ecurisë së aktivitetit, duke specifikuar rekomandimet e marra nga audienca.

Përgjegjësitë e QSHMK dhe Ofruesit të Shërbimit

Ekipi i QSHMK do të monitorojë, supervizojë dhe lehtësojë shërbimet e ofruara nga Ofruesi i Shërbimit në çdo hap të procesit. Asnjë veprim nuk do të ndërmerret pa miratimin nga QSHMK. 

QSHMK siguron mjetet e nevojshme për zhvillimin e trajnimeve (materiale didaktike, pajisje teknologjike etj.), mbeshtet nga ana logjistike trajnerët gjatë kohës së trajnimit. 

Ofruesi i Shërbimit i kontraktuar është përgjegjës për:

• Ruajtjen/qasjen në dokumentet e nevojshme për kryerjen e trajnimeve.

• Komunikimin periodik me ekipin e projektit për të përditësuar mbi progresin e konsulencës;

• Organizimin  dhe kryerjen e  trajnimeve;

• Dorëzimin e raportit pas çdo trajnimi dhe dorëzimi i  kohëshënuesit përkatës. 

Modaliteti i pagesës

Pagesa do të bëhet në bazë të numrit të seancave të trajnimit të zhvilluara dhe do të jetë subjekt i legjislacionit shqiptar të taksave.

 Kualifikimet e Kërkuara:

• Diplomë universitare në fushën e shëndetit publik, mjekësi, psikologji ose fusha të tjera të lidhura me shëndetin mendor dhe sjelljet.

• Përvojë e dokumentuar në trajnime mbi temat e shëndetit mendor dhe veçanërisht depresionin.

• Njohuri të avancuara mbi trajtimet dhe qasjet në mbështetje të personave me depresion.

• Aftësi të shkëlqyera komunikimi dhe interaktiviteti për të inkurajuar pjesëmarrjen dhe nxitur dialogun efektiv.

Procesi i aplikimit

Ofruesit janë të ftuar të paraqesin një ofertë që përfshin:

• Letër Interesi

• CV-në e detajuar të Ofruesit të Shërbimit;

• Dokumente të tjera që dëshmojnë eksperiencat e mëparshme në fushën e shëndetit mendor dhe realizimin e trajnimeve në këtë fushë.

Aplikimi pa këto elemente nuk do të merret parasysh. Aplikantët do të kontaktohen pasi të kemi shqyrtuar të gjitha ofertat.

Çështje të tjera

Midis QSHMK dhe Ofruesit të Shërbimit të përzgjedhur do të hartohet një kontratë e cila do të mbulojë aktivitetet dhe detyrimet e përcaktuara në këtë thirrje.

Ofruesit e Shërbimit që kanë interes për këtë thirrje duhet të dorëzojnë një letër interesi si dhe të gjithë dokumentet e cituara në seksionin “Procesi i aplikimit”. Të gjitha dokumentet duhet të dërgohen me një email të vetëm në adresën elektronike: qshmk.alb@gmail.com deri më 23 Nëntor 2024, në orën 17:00.

Për çdo pyetje në lidhje me këtë thirrje, mund të na kontaktoni paraprakisht në adresën zyrtare të qendrës: qshmk.alb@gmail.com, deri më 18 Nëntor 2024, në orën 12:00.

Qendra e Shëndetit dhe Mirëqenies Komunitare kërkon të rekrutojë personel për realizimin e studimit “Anketa e njohurive, qëndrimeve, praktikave dhe sjelljeve (KAPB) të popullatës së përgjithshme në lidhje me aksesin dhe përdorimin e kujdesit shëndetësor të urgjencës për të kuptuar barrierat dhe pengesat këtij shërbimi nga këndvështrimi i tyre në rajone të zgjedhura në Shqipëri”, të mbështetur  nga SDC në kuadër të projektit SOLIDAR-Together in Health Emergencies.

Në kuadër të zbatimit të këtij studimi, QSHMK  kërkon të identifikojë/ftojë ekspertë që ofrojnë ekspertizën e tyre në realizimin e sondazheve (survey) në popullatë sipas roleve/funksioneve të mëposhtme:

1.  Supervizorë terreni. Për kontrollin e cilësisë së studimit kërkohen supervizorë terreni, për të përmbushur shërbimet e              mëposhtme:

•       Supervizorët e terrenit do të përfshihen në mbledhjen e përditshme të të dhënave. Ata sigurojnë që plani i punës                  zbatohet siç është parashikuar

•         Kryejnë vizita mbikëqyrëse në terren për sigurimin e cilësisë.

•         Janë të disponueshëm dhe i përgjigjen pyetjeve nga intervistuesit në lidhje me zbatimin të studimit.

•         Komunikojnë me koordinatorin e studimit  çdo ditë mbi ecurinë ditore të punës

•         Verifikojnë fizibilitetin e planeve të punës në terren dhe sigurojnë  që ato të zbatohen siç janë planifikuar.

•      Sigurojnë që mbledhja e të dhënave të bëhet në përputhje të plotë me udhëzimet e përmendura në protokollin e                  studimit, duke përfshirë kërkesat etike.

•         Ndërmarrin veprime, sipas nevojës dhe kërkesës, për të përmirësuar cilësinë e të dhënave.

•         Komunikojnë periodikisht me koordinatorin e studimit

      Supervizorët e terrenit duhet të kenë profilin e mëposhtëm:

•            Të kenë përvojë në supervizim të punës në terren në studime të ndryshme në fushën e shëndetit;

•            Të kenë aftësi të mira  teknike në përdorimin e tabletave

•            Të kenë kuptim të mirë të aspekteve metodologjike dhe të menaxhimit të të dhënave sasiore dhe cilësore;

•            Të jenë të gatshëm për të udhëtuar edhe në vende të largëta

•            Të kenë aftësi të mira komunikimi

2.       Intervistues me anëtarë të komunitetit

       Intervistuesit janë përgjegjës për mbledhjen e të dhënave sipas procedurave të përshkruara në protokollin e studimit. Ata              asistohen dhe mbështeten nga supervizorët  dhe koordinatori i studimit. Janë të detyruar të mbajnë komunikim të rregullt dhe        intensiv me koordinatorin e studimit, dhe supervizorët sipas nevojave.

            Detyrat e kërkuara:

o   Të marre pjesë në trajnimin për mbledhjen e të dhenave

o   Të ketë aftësi të mira komunikimi

o   Të ketë eksperiencë në mbledhje të dhënash sasiore për studimet në popullatë;

o   Të jetë i aftë të mbledhë të dhëna nëpërmjet platformave dixhitale

o   Të jenë të gatshëm për të udhëtuar edhe në vende të largëta

o   Të suportojë kolegët në mbledhjen  e të dhënave

o   Të raportojë tek koordinatori shkencor i projektit cdo problem te lidhur me mbledhjen e të dhënave.

            Intervistuesit  duhet të kenë profilet e mëposhtme:

•         Të jenë me background nga fusha të tilla: mjekësi, infermieri, shëndet publik, komunikim, shkenca sociale ose fusha të ngjashme.

3.       Specialist/e për dizenjimin e platformës ku do mblidhen të dhënat dhe menaxhimin e të dhënave

 Për hartimin e strukturës se databazës ne nje platforme digjitale dhe menaxhimin e të dhënave të mbledhura, kërkohet ekspert për të kryer shërbimet e mëposhtme:

o   Të ofrojë ekspertizë në fushën e kërkimit shkencor cilësor dhe/ose sasior me fokus të veçantë në mbajtjen e të dhënave.

o   Të ketë eksperiencë të mëparshme shkencore në hartimin e dataset për studime sasiore dhe/ose cilësore.

o   Te jete i afte ne krijimin e formularëve online pe rmbledhjen e te dhënave

o   Pervoje ne imtegrimin e API-it dhe analizën e te dhënave

o   Te kete njohuri mbi politikat standarde te sigurisë se te dhënave

o   Te kete aftësi per te testuar platformën pe rte siguruar funksionalitet te plote

o   Të sigurojë cilësinë dhe saktësinë e informacionit teknik të dhënë si dhe konfidencialitetin dhe mbrojtjen e informacionit të mbledhur.

o Të ketë aftësi të mira në përdorimin e programeve statistikore për studime sasiore dhe/ose cilësore.

o   Të bashkëpunojë dhe ndërveprojë me grupin e punës duke respektuar afatet kohore.

            Specialisti për hartimin dhe menaxhimin e dataset  duhet të ketë profilin e mëposhtëm:

•  Të jenë me background nga fusha te tilla si Teknologji dhe Informacion,  shkencat kompjuterike, Inxhinieri software(IT, programues etj).

4.  Specialist/e për transkriptimin e të dhënave të marra nga studimi cilësor

o   Të ketë aftësi të mira komunikuese dhe aftësi në të shkruar.

o   Të ketë eksperiencë të mëparshme shkencore në realizimin e transkripteve në studime cilësore.

o   Te kete aftësi ne përdorimin e softwareve per transkriptimin dhe menaxhimin e te dhënave cilesore

o   Te kete aftësi shume  te mira gjuhen shqipe

o   Të ketë kompetencë profesionale në realizimin e transkripteve verbatim, duke ruajtur çështjet etike gjatë hedhjes së të dhënave.

o   Të ruajë paanësinë dhe konfindecialitetin gjatë transkriptimit të të dhënave duke mos ndikuar në pasqyrimin e tyre.

o   Të ndajë transkriptet e realizuara me ekipin e punës brenda afateve të përcaktuara.

            Specialisti për transkriptimin e të dhënave për studim cilësor duhet të ketë profilin e mëposhtëm:

•         Të jenë me background nga shkencat sociale, mjekësore (shëndet publik) ose fusha të lidhura me metoda kerkimore cilesore.

5.      Ekspert për analizë statistikore  me të dhënat të mbledhura nga studimi (komponenti  sasior)

 Eksperti per analizën e te dhënave sasiore duhet te ofrojë shërbimet e mëposhtme:

o   Të ofrojë ekspertizë në fushën e kërkimit shkencor sasior.

o   Të ketë eksperiencë në kryerjen e analizave shkencore  të thelluara me fokus të veçantë në fushën e vulnerabilitetit.

o   Të ketë eksperiencë të mëparshme shkencore në studime sasiore dhe/ose cilësore.

o   Te njohe shume mire programe statistike si SPSS

o   Te kete aftësi ne interpretimin e te dhënave

o   Të ndajë gjetjet e analizës me anëtarë të tjerë të grupit të punës, përpara finalizimit të tij.

o   Të bashkëpunojë dhe të kontribuojë me ekspertët qe do të shkruajnë raportin e studimit për të lehtësuar procesin e shkrimit të raportit.

         Eksperti për analizën e te dhënave duhet të ketë profilin e mëposhtëm:

-          Te jete me background nga fusha e shëndetit publik (Epidemiologji) ose  Biostatitikë

-          Te kete te paktën 3-5 vite eksperience ne analize te dhënash sasiore ne fushën e shëndetit

Procesi i aplikimit

Ofruesit janë të ftuar të paraqesin dokumentacionin e mëposhtëm:

1. CV në të cilën të demonstrohet eksperienca sipas kërkesave te specifikuara ne këtë thirrje

Të gjithë subjektet e interesuara duhet të dorëzojnë CV e tyre (në format PDF), deri më 22 Shtator 2024, në orën 12:00 nëpërmjet adresës zyrtare qshmk.alb@gmail.com

Për çdo pyetje në lidhje me këtë thirrje, mund të na kontaktoni paraprakisht në adresën zyrtare të qendrës: qshmk.alb@gmail.com, deri më 16 Shtator  2024, në orën 16:00.

Qendra e Shëndetit dhe Mirëqenies Komunitare kërkon të rekrutojë një kompani (OJF/Qendër) të specializuar në realizimin e sondazheve (survey) në popullatë përmes anketave, pyetësorëve, intervistave në kuadër të projektit MENTBEST.

Për t'u njohur me kushtet për pjesëmarrje dhe specifikimet e ofertës, klikoni në linkun:  

https://sites.google.com/d/176iY4PnhVCOQ9UJoTNaZaAj9WId0SqhU/p/17TADmGKozR_O09spAmCgBv_3d14qlhBf/edit

Qendra e Shëndetit dhe Mirëqenies Komunitare kërkon të rekrutojë një kompani (OJF/Qendër) të specializuar në realizimin e sondazheve (survey) në popullatë përmes anketave, pyetësorëve, intervistave në kuadër të projektit MENTBEST.

Për t'u njohur me kushtet për pjesëmarrje dhe specifikimet e ofertës, klikoni në linkun: 

https://sites.google.com/d/176iY4PnhVCOQ9UJoTNaZaAj9WId0SqhU/p/1bwGDOlh86xKGa2v9jHleXTwxJmgNo5hm/edit

Qendra e Shëndetit dhe Mirëqenies Komunitare (QSHMK) është duke zbatuar projektin MENTBEST, në mbështetje të grupeve vulnerabël në popullatën e përgjithshme. Ky projekt financohet nga Bashkimi Evropian, drejtohet nga Aleanca Evropiane Kundër Depresionit (EAAD) me mbështetjen e një ekipi multidisiplinar prej 13 partnerësh të tjerë, pjesë e të cilëve është QSHMK.

Në kuadër të zbatimit të këtij projekti, QSHMK kërkon të identifikojë operatorë ekonomikë që ofrojnë shërbime përkthimi me cilësi të lartë në gjuhën shqipe, të materialeve shkencore dhe akademike në fushën mjekësore dhe shëndetit mendor, të hartuara në kuadër të projektit MENTBEST. 

Për t'u njohur me kushtet për pjesëmarrje dhe specifikimet e ftesës për ofertë, klikoni në linkun: 

https://sites.google.com/d/176iY4PnhVCOQ9UJoTNaZaAj9WId0SqhU/p/1LZBHeYwKCZUdJY8DpE3Nznn7mLP5w7GC/edit 

Qendra e Shëndetit dhe Mirëqenies Komunitare kërkon ekspertë të jashtëm për projektin: “Improve mental health and psychosocial wellbeing and development of children and adolescents in Albania”. 

Për të aplikuar si ekspert i jashtëm lutemi të plotësoni formularin e mëposhtem. Aplikimi do të jetë i hapur nga data 30.08.2023 deri më datën 01.09.2023.

FORMULARI I APLIKIMIT SI EKSPERT I JASHTËM

Background dhe eksperienca e ekspertëve të kërkuar:

• Të ketë përfunduar studimet të ciklit të dytë “Master i Shkencave”  ose të ciklit të tretë “Doktoratë” sipas fushës së ekspertizës

• Të këtë eksperience pune mbi 2 vjet

• Preferohet të ketë eksperiencë në fushën akademike

Qendra e Shëndetit dhe Mirëqenies Komunitare kërkon ekspertë të jashtëm për projektin: “Improve mental health and psychosocial wellbeing and development of children and adolescents in Albania”. 

Për të aplikuar si ekspert i jashtëm lutemi të plotësoni formularin e mëposhtem. Aplikimi do të jetë i hapur nga data 28.6.2023 deri më datën 02.07.2023.

FORMULARI I APLIKIMIT SI EKSPERT I JASHTËM